இந்நிகழ்வில் விவசாய மற்றும் கால்நடை பிரதி அமைச்சர் கௌரவ திரு. நாமல் கருணாரத்ன, பாராளுமன்ற உறுப்பினர் திருமதி கீதா ஹேரத், சுற்றாடல் அமைச்சின் செயலாளர், மேலதிக செயலாளர், குருணாகல் மாவட்ட செயலாளர், வடமேற்கு ஆளுநரின் செயலாளர், மாகாண காணி ஆணையாளர், குருணாகல் நீர்ப்பாசன பணிப்பாளர், பொல்பிகம பிரதேச செயலக உத்தியோகத்தர், குருணாகல் திசா வன அதிகாரி, மாவட்ட வன விலங்கு உதவிப் பணிப்பாளர், பிரதேச சபை உறுப்பினர்கள் மற்றும் பிரதேச வாசிகள் கலந்து கொண்டனர். காணி ஆணையாளர் நாயகத்தைப் பிரதிநிதித்துவப்படுத்தி உதவி காணி ஆணையாளர் திரு. ஜனக்க டி. பண்டார ஹேரத் கலந்துகொண்டார்.

வடமேற்கு வனவிலங்கு வலயத்தின் மிகவும் முக்கியமான சரணாலயமான கஹல்ல பல்லேகெலே சரணாலயத்தில் நீண்டகாலமாக வசித்து வரும் மக்களின் காணி உரிமையை உறுதிப்படுத்துதல், கஹல்ல பல்லேகெலே சரணாலயத்தில் அமைக்கப்பட்டுள்ள அந்த சரணாலயம் மற்றும் கல்முவ சுற்றியுள்ள பகுதியின் யானைகள் உள்ளிட்ட வனவிலங்குகளின் நீர் தேவையைப் பூர்த்தி செய்யும் பிரதான மூலாதாரமான ஹக்வடுனாவ குளக் காப்பகத்தை அளந்து எல்லை நிர்ணயம் செய்து அதனைப் பாதுகாத்தல் மற்றும் கலமடு எல காப்பகத்தில் அமைந்துள்ள கலமடுவ குளம் உள்ளிட்ட பழமையான குளங்களைப் புனரமைத்து வனவிலங்குகளுக்குத் தேவையான நீர் மற்றும் உணவுத் தேவைகளைச் சரணாலயத்திற்குள்ளேயே வழங்குவதன் மூலம் மனித-யானை மோதலுக்கு நிரந்தரத் தீர்வுகளை முன்மொழிவதற்காக அதிகாரிகள், பொதுமக்கள் மற்றும் அரசியல் அதிகாரிகளுடன் இணைந்த கள விஜயம் 2025.08.22 ஆந் திகதி அன்று நாள் பூராகவும் நடைபெற்றது.

2025.08.13 மற்றும் 14 ஆகிய இரு தினங்களும் அனுராதபுர மாவட்டத்தின் தீர்க்கப்படாத காணிப் பிரச்சினைகள் தொடர்பில் கள ஆய்வுகள் மற்றும் பின்தொடர் நடவடிக்கைகள் மேற்கொள்ளப்பட்டன. இடம்பெற்ற களப் பரிசீலனை மற்றும் அனுராதபுர மாவட்டத்தில் நீண்டகாலமாக எவ்வித நடவடிக்கைகளும் இன்றி நிலுவையிலிருந்த சுமார் 1,000 குத்தகை ஆவணங்களைப் பரிசீலிப்பதற்கும் மேல்நடவடிக்கைகளுக்குமான பரிசோதனை திகதிகளில் வடமத்திய மாகாண காணி ஆணையாளர் திணைக்கள வளாகத்தில் நடைபெற்றது. இந்நிகழ்வு காணி ஆணையாளர் நாயகம் திணைக்களத்தின் தலைமையில், வடமத்திய மாகாண காணி ஆணையாளர் திணைக்களம், அனுராதபுர மாகாணங்களுக்கு இடையயிலான காணி ஆணையாளர் அலுவலகம் மற்றும் அனுராதபுர மாவட்டத்தின் அனைத்துப் பிரதேச செயலகங்களின் பங்கேற்புடன் வெற்றிகரமாக நிறைவுற்றது. இதற்கு இணையாக 2025.08.15 ஆந் திகதி அன்று காணி மற்றும் நீர்ப்பாசன பிரதி அமைச்சரின் தலைமையில், அனுராதபுர மாவட்ட செயலகத்தின் வழிகாட்டலில் விவசாய, கால்நடை, காணி மற்றும் நீர்ப்பாசன அமைச்சு, காணி ஆணையாளர் நாயகம் திணைக்களம், காணி உரிமை நிர்ணய திணைக்களம், நீர்ப்பாசன திணைக்களம், மகாவலி அதிகாரம் மற்றும் அனைத்துப் பிரதேச செயலகங்கள் உள்ளிட்ட காணி தொடர்பான அனைத்து நிறுவனங்களின் பங்கேற்புடன் அரசு காணிகளை நிருவகித்தல் மற்றும் பிரச்சினைகளைத் தீர்ப்பதற்கான கலந்துரையாடல் நடைபெற்றது. அதில் அரசு காணிகள் தொடர்பான பல பிரச்சினைகள் ஆராயப்பட்டன.

2025 ஜூன் 17, 18, 19 மற்றும் 20 ஆகிய திகதிகளில் கிழக்கு மாகாணத்தின் அம்பாறை மற்றும் மட்டக்களப்பு மாவட்டங்களில் சுனாமி உரிமப் பத்திரங்கள் (Tsunami Grants) தயாரிக்கும் பணிகளை விரைவுபடுத்துவதற்காக பொத்துவில், மண்முனை வடக்கு மற்றும் வாகரை பிரதேச செயலகங்களை மையமாகக் கொண்டு நடமாடும் சேவை நிகழ்ச்சித் திட்டம் நடாத்தப்பட்டது. இதன் போது தகுதிபெற்ற சுமார் 375 விண்ணப்பங்கள் மேல்நடவடிக்கைகளுக்காக காணி ஆணையாளர் நாயகம் திணைக்களத்திற்கு கொண்டு வரப்பட்டன. இதற்கு ஒத்துழைப்பு வழங்கிய அனைத்துப் பிரதேச செயலாளர்களுக்கும் நன்றிகள் தெரிவிக்கப்படுகின்றன.