ඉඩම් කොමසාරිස් ජනරාල් දෙපාර්තමේන්තුව
காணி ஆணையாளர் நாயகத்தின் திணைக்களம்
Land Commisioner General's Department
Ministry of Agriculture, Livestock, Land and Irrigation
ඉඩම් කොමසාරිස් ජනරාල් දෙපාර්තමේන්තුව
காணி ஆணையாளர் நாயகத்தின் திணைக்களம்
Land Commisioner General's Department
Ministry of Agriculture, Livestock, Land and Irrigation
රාජ්‍ය ඉඩම් කළමනාකරණයේ ප්‍රමුඛයා ලෙස නිරවුල් බිමක් හිමි සමාජයක් බිහිකිරීම.
ජාතික ප්‍රතිපත්තියක් තුළ මනා සම්බන්ධීකරණයකින් යුතුව සංවර්ධනයේ චිරස්ථායි බව සහතික කරමින් රජයේ ඉඩම් ප්‍රශස්ථ මට්ටමින් භාවිතා කිරීමට මඟ පෙන්වමින් නිරවුල් බිමක අයිතිය තහවුරු කෙරෙන විධිමත් කළමණාකාරීත්වයක් පවත්වා ගෙන යාම.
| අරමුණ: ඉඩම් නොමැති ප්‍රජාවගේ ඉඩම් භුක්තිය ශක්තිමත් කිරීම. |
|---|
|
| අරමුණ: ආයෝජන අවස්ථා පුළුල් කිරීම. |
|---|
|
| අරමුණ: රජයේ ඉඩම් ප්‍රශස්ථ භාවිතය. |
|---|
|
| අරමුණ: දෙපාර්තමේන්තුව සතු සම්පත් ප්‍රශස්ථව කළමනාකරණය කිරීම. |
|---|
|
| අරමුණ: රාජ්‍ය ආදායම වර්ධනය කිරීමට දායකවීම. |
|---|
|
ඉඩම් කොමසාරිස් ජෙනරාල් හා දෙපාර්තමේන්තුවේ මාණ්ඩලික නිලධාරීන් සමඟ ඔබගේ ගැට‍ළු සම්බන්ධව හමුවී සාකච්ඡා කිරීම සඳහා සඳුදා දිනය වෙන් කර ඇති අතර, ඒ සඳහා විකල්ප දිනයක් ලෙස බදාදා දිනය ද වෙන් කර ඇත.
මෙම දෙපාර්තමේන්තුව වෙත නොපැමිණෙන දහස් ගණනකගේ ද ඔබගේ වැනිම ගැට‍ළු විසඳීම, ලිපි ගොනු කටයුතු කිරීම, කාර්යාල පරීක්ෂණ, ක්ෂේත්‍ර පරීක්ෂණ හා ප්‍රතිපත්තිමය කරුණු සම්බන්ධව තීරණ ගතයුතු බැවින් සඳුදා හා බදාදා දින හැර අනෙකුත් දිනයන් හි පැමිණ අපහසුතාවයට පත් නොවන ලෙස ඉතා කාරුණිකව ඉල්ලා සිටිමි.
ඉඩම් කොමසාරිස් ජනරාල් දෙපාර්තමේන්තුවේ අතිරේක ඉඩම් කොමසාරිස් ජනරාල් ලෙස ඉෂාන්ති බුද්ධිනී ගුණවර්ධන මහත්මිය අද දින වැඩ භාරගන්නා ලද අතර මෙතුමිය ඉඩම් කොමසාරිස් ජනරාල් දෙපාර්තමේන්තුවේ පළමු අතිරේක ඉඩම් කොමසාරිස් ජනරාල්තුමියයි.
වයඹ වනජීවී කළාපයේ ඉතා වැදගත් අභය භූමියක් වන කහල්ල පල්ලේකැලේ අභය භූමිය තුළ දීර්ඝ කාලයක සිට පදිංචි සිටින ජනතාවගේ ඉඩම් අයිතිය තහවුරු කිරීම, කහල්ල පල්ලේකැලේ අභයභූමිය තුළ පිහිටා ඇති එම අභයභූමිය සහ ගල්ගමුව අවට කළාපයේ අලි ඇතුන් ඇතුළු වන සතුන්ගේ ජල අවශ්‍යතා සපුරන ප්‍රධාන මූලශ්‍රයක් වන හක්වටුනාව වැව් රක්ෂිතය මැන මායිම් ලකුණු කර වැව රක්ෂිතය ආරක්ෂා කිරීම හා කලමඩු ඇල රක්ෂිතය තුළ පිහිටා ඇති කලමඩුව වැව ඇතුළු ඉපැරණි වැව් පිළිසකර කර වනඅලින් ඇතුළු වනජීවීන්ට ජලය හා ආහාර අවශ්‍යතාවයන් රක්ෂිතය තුළින්ම සපයා ගැනීමට අවශ්‍ය කටයුතු සිදු කිරීම තුළින් අලි මිනිස් ගැටුමට ස්ථීරසාර විසදුම් යෝජනා කිරීම සදහා අදාළ නිලධාරීන්, මහජනතාව හා දේශපාලන අධිකාරිය එක්ව ක්ෂේත්‍ර චාරිකාවක් 2025.08.22 දින දවස පුරා සිදුකෙරිණ.
මෙම අවස්ථාවට කෘෂිකර්ම හා පශු සම්පත් නියෝජ්‍ය අමාත්‍ය ගරු නාමල් කරුණාරත්න මහතා, පාර්ලිමේන්තු මන්ත්‍රිනී ගරු නීතිඥ ගීතා හේරත් මහත්මිය, පරිසර අමාත්‍යාංශයේ ලේකම්තුමන්, අතිරේක ලේකම්තුමා, කුරුණෑගල දිස්ත්‍රික් ලේකම්තුමන්, වයඹ ආණ්ඩුකාරවර ලේකම් තුමා, පළාත් ඉඩම් කොමසාරිස්තුමා, කුරුණෑගල වාරිමාර්ග අධ්‍යක්ෂ තුමිය, පොල්පිතිගම ප්‍රාදේශීයතුමා, කුරුණෑගල දිසාවන නිලධාරීතුමා, දිස්ත්‍රීක් වනජීවී සහකාර අධ්‍යක්ෂතුමා, ප්‍රදේශයේ ප්‍රාදේශීය සභා මන්ත්‍රීවරැන්, ප්‍රදේශවාසීන් ඇතුලු විශාල පිරිසක් සහභාගී වූ අතර, ඉඩම් කොමසාරිස් ජනරාල්තුමන්
නියෝජනය කරමින් සහකාර ඉඩම් කොමසාරිස් ජනක ඩී. බණ්ඩාර හේරත් මහතා සහභාගි විය.
2025.08.13,14 දෙදින අනුරාධපුර දිස්ත්‍රික්කයේ නොවිසඳුනු ඉඩම් ගැටලු වලට අදාළව පැවති ක්ෂේත්‍ර පරීක්ෂණ හා ඉදිරි කටයුතු සිදු වීමකින් තොරව පැවති දීර්ඝ කාලීන බදු ගොනු 1000කට ආසන්න ප්‍රමාණයක් පරීක්ෂාව හා ගොනු වලට අදාළව ඉදිරි කටයුතු කිරීම ඉඩම් කොමසාරිස් ජනරාල් දෙපාර්තමේන්තුවේ ප්‍රධානත්වයෙන් උතුරු මැද පළාත් ඉඩම් කොමසාරිස් දෙපාර්තමේන්තුව, අනුරාධපුර අන්තර් පළාත් ඉඩම් කොමසාරිස් කාර්‍යාලය හා අනුරාධපුර දිස්ත්‍රික්කයෙහි සියලුම ප්‍රාදේශීය ලේකම් කාර්යාල සහභාගීත්වයෙන් උතුරු මැද පළාත් ඉඩම් කොමසාරිස් දෙපාර්තමේන්තු පරිශ්‍රයෙහිදී සාර්ථකව නිමාවට පත් විය. 2025.08.15 දින ඊට සමගාමීව ගරු ඉඩම් හා වාරිමාර්ග නියෝජ්‍ය අමාත්‍යවරයාගේ ප්‍රධානත්වයෙන්, අනුරාධපුර දිස්ත්‍රික් ලේකම් කාර්‍යාලයේ මෙහෙයවීම මත කෘෂිකර්ම, පශුසම්පත්, ඉඩම් හා වාරිමාර්ග අමාත්‍යාංශය, ඉඩම් කොමසාරිස් ජනරාල් දෙපාර්තමේන්තුව, ඉඩම් හිමිකම් නිරවුල් කිරීමේ දෙපාර්තමේන්තුව, වාරිමාර්ග දෙපාර්තමේන්තුව, මහවැලි අධිකාරිය, සියලුම ප්‍රාදේශීය ලේකම් කාර්යාල ඇතුළු අනෙකුත් ඉඩම් හා සම්බන්ධ සියලු ආයතන වල සහභාගීත්වයෙන් රජයේ ඉඩම් කළමනාකරණය හා ගැටලු විසඳීම සඳහා වන සාකාච්ඡාවක් පැවැති අතර රජයේ ඉඩම් රාජකාරි හා සබැඳි ගැටලු බොහොමයක් එහිදී සාකච්ඡාවට බඳුන් විය
2025 අගෝස්තු 01 දින දෙපාර්තමේන්තු සුබසාධක සංගමය විසින් සංවිධානය කරන ලද “ගී රස වින්දන වැඩසටහන”
ඉඩම් කොමසාරිස් ජනරාල්තුමාගේ මඟපෙන්වීම යටතේ, දෙපාර්තමේන්තුවේ සුබසාධක සංගමය විසින් ගී රස වින්දන වැඩසටහනක් සංවිධානය කරන ලද අතර එම දෙහෝරාව නිලධාරීන්ට සිය ඒකාකාරී රාජකාරි පරිසරයෙන් මිදී සිය ගායන, ප්‍රකාශන හා පූරක හැකියාවන් මෙන්ම රසවින්දනය එළිදැක්වීමට මහඟු තෝතැන්නක් විය.
2025.06.17,18,19 සහ 20 දින වල නැගෙනහිර පළතේ අම්පාර හා මඩකලපුව දිස්ත්‍රික්ක තුල සුනාමි දීමනාපත්‍ර සැකසීමේ කාර්යන් කඩිනම් කිරීම උදෙසා ජංගම සේවා වැඩසටහනක් පොතුවිල්,මන්මුනේ උතුර හා වාකරේ ප්‍රාදේශීය ලේකම් කාර්යාල මූලික කර ගනිමින් පැවැත්විනි. මෙහෙදී සුනාමි දීමනාපත්‍ර සැකසීම සදහා සුදුසුකම් ලද අයදුම්පත් 375 ආසන්න ප්‍රමාණයක් ඉදිරි කටයුතු සදහා ඉ.කො.ජ්.දෙ වෙත රැගෙන එන ලදී. මේ සදහා සහය දැක්වු සියලු ප්‍රාදේශීය ලේකම් වරුන් වෙත ස්තූතිය පුද කරමි.
ජගත් පරිසර දිනයට සමගාමීව ඉඩම් කොමසාරිස් ජනරාල් දෙපාර්තමේන්තුව විසින් පවත්වන ලද, ප්ලාස්ටික් අපද්‍රව්‍ය කළමනාකාරනය පිළිබඳ පවත්වන ලද දැනුවත් කිරීමේ වැඩසටහන
ජගත් පරිසර දිනයට සමගාමීව 2025.06.05 දින පවත්වන ලද රුක් රෝපණ වැඩසටහන ඉඩම් කොමසාරිස් ජනරාල් තුමන්ගේ ප්‍රධානත්වයෙන් මිහිකත මැදුර පරිශ්‍රයේ පවත්වන ලදී.
ඉඩම් කොමසාරිස් ජනරාල් දෙපාර්තමේන්තුවේ ශ්‍රී ලංකා තාක්ෂණ සේවයේ I ශ්‍රේණියේ ජනපද නිලධාරීන් සේවා පළපුරුද්ද සහ කුසලතාවය මත විශේෂ ශ්‍රේණියට උසස් කිරීම
ඉඩම් කොමසාරිස් ජනරාල් දෙපාර්තමේන්තුවේ ශ්‍රී ලංකා තාක්ෂණ සේවයේ I ශ්‍රේණියේ ජනපද නිලධාරීන් සේවා පළපුරුද්ද සහ කුසලතාවය මත විශේෂ ශ්‍රේණියට උසස් කිරීම
උතුරු පළාතේ රජයේ ඉඩම් සම්බන්ධව පවතින ඉඩම් ගැටලු සදහා විසදුම් ලබා දීමේ අරමුණින් 2025 මාර්තු මස 19,20 සහ 21 දිනයන්හි දී ජංගම සේවා වැඩසටහනක් උතුරු පළාත් ඉඩම් කොමසාරිස් කාර්‍යාලය දී පැවැත්විණි.
හදුනාගත් ගැටලු 50කට ආසන්න ප්‍රමාණයක් සම්බන්ධව ක්ෂේත්‍ර පරීක්ෂාවකින් අනතුරුව විසදුම් ලබාදීම සහ ගරු ආණ්ඩුකාරතුමාගේ ප්‍රධානත්වයෙන් උතුරු පළාතේ ඉඩම් කලමණාකරණය සම්බන්ධව සාකච්ඡාවක් පැවැත්විණි.
