ඉඩම් කොමසාරිස් ජනරාල් දෙපාර්තමේන්තුව

காணி ஆணையாளர் நாயகத்தின் திணைக்களம்

Land Commisioner General's Department

...

අප පිළිබඳව

දෙපාර්තමේන්තු දැක්ම

රාජ්‍ය ඉඩම් කළමනාකරණයේ ප්‍රමුඛයා ලෙස නිරවුල් බිමක් හිමි සමාජයක් බිහිකිරීම.

...
...

මෙහෙවර ප්‍රකාශය

ජාතික ප්‍රතිපත්තියක් තුළ මනා සම්බන්ධීකරණයකින් යුතුව සංවර්ධනයේ චිරස්ථායි බව සහතික කරමින් රජයේ ඉඩම් ප්‍රශස්ථ මට්ටමින් භාවිතා කිරීමට මඟ පෙන්වමින් නිරවුල් බිමක අයිතිය තහවුරු කෙරෙන විධිමත් කළමණාකාරීත්වයක් පවත්වා ගෙන යාම.

දෙපාර්තමේන්තුවේ අරමුණු හා උපාය මාර්ග

අරමුණ: ඉඩම් නොමැති ප්‍රජාවගේ ඉඩම් භුක්තිය ශක්තිමත් කිරීම.
  • උපාය මාර්ග:
    1. ඉඩම් හිමිකම තහවුරු කිරීම.
    2. රජයේ ඉඩම් පිළිබද තොරතුරු කළමනාකරණය කිරීම.
අරමුණ: ආයෝජන අවස්ථා පුළුල් කිරීම.
  • උපාය මාර්ග:
    1. ආයෝජන අවස්ථා පුළුල් කිරීම සඳහා රජයේ ඉඩම් උපයෝජනය කිරීම.
අරමුණ: රජයේ ඉඩම් ප්‍රශස්ථ භාවිතය.
  • උපාය මාර්ග:
    1. රජයේ ඉඩම් ප්‍රශස්ථ මට්ටමින් සංවර්ධනය කිරීම.
    2. රජයේ ඉඩම්වල ආරක්ෂාව තහවුරු කිරීම.
අරමුණ: දෙපාර්තමේන්තුව සතු සම්පත් ප්‍රශස්ථව කළමනාකරණය කිරීම.
  • උපාය මාර්ග:
    1. මානව සම්පත සංවර්ධනය කිරීම.
    2. භෞතික සම්පත ඵලදායි ලෙස භාවිතා කිරීම.
    3. මූල්‍ය සම්පත විධිමත්ව කළමනාකරණය කිරීම.
අරමුණ: රාජ්‍ය ආදායම වර්ධනය කිරීමට දායකවීම.
  • උපාය මාර්ග:
    1. ඉඩම් ආදායම් හඳුනාගැනීම හා ඇස්තමේන්තු කිරීම.
    2. ඉඩම් ආදායම් කාර්යක්‍ෂමව හා විධිමත්ව රැස්කිරීම.
    3. හිඟ ආදායම් අයකර ගැනීම සඳහා නීත්‍යානුකූල පියවර ගැනීම.

දෙපාර්තමේන්තුවේ අරමුණු හා උපාය මාර්ග

ඉඩම් කළමනාකරණයේ ප්‍රමුඛයා ලෙස ඉඩම් කොමසාරිස් ජනරාල් දෙපාර්තමේන්තුව රජයේ ඉඩම් බැහැර කිරීමේදී සුවිශේෂී වු කාර්ය භාරයක් ඉටුකරනු ලබයි.
  1. අන්තර් පළාත් වාරිමාර්ග හා ඉඩම් සංවර්ධන ව්‍යාපෘති කළමනාකරණය කිරීම.
  2. ඉඩම් සංවර්ධන ආඥා පනත යටතේ ඉඩම් බෙදාදීම හා බෙදා දුන් ඉඩම් සදහා දීමනාපත්‍ර නිකුත් කිරීම
  3. රජයේ ඉඩම් ආඥා පනත යටතේ ඉඩම් බෙදාදීම, මේ යටතේ
    • නිවාස, කෘෂිකාර්මික, කර්මාන්ත හා වාණිජ කටයුතු සඳහා දීර්ඝකාලීන බදු බලපත්‍ර ලබාදීම.
    • විශේෂ හා නිදහස් දීමනා පත්‍ර නිකුත් කිරීම.
    • විහාරස්ථාන සදහා පූජා භූමි ඔප්පු නිකුත් කිරීම.
    • රජයේ දෙපාර්තමේන්තු, ව්‍යවස්ථාපිත මණ්ඩල හා පළාත් පාලන ආයතන සඳහා අවශ්‍ය ඉඩම් නිදහස් කිරීම, බදු දීම හා පැවරීම.
  4. ඉඩම් ප්‍රදාන (විශේෂ විධිවිධාන) පනත යටතේ ඉඩම් බෙදාදීම හා දීමනාපත්‍ර නිකුත් කිරීම.
  5. රජයේ ඉඩම් සන්තකය ආපසු ලබා ගැනීමේ පනත යටතේ රජයේ ඉඩම් හා රක්ෂිත ආරක්ෂා කිරීම
  6. අන්තර් පළාත් ඉඩම් සංවර්ධන ව්‍යාපෘති වලින් බැහැර රජයේ ඉඩම් පරිපාලනය සම්බන්ධයෙන්
  7. පළාත් ඉඩම් කොමසාරිස්වරුන්ට හා ප්‍රාදේශීය ලේකම්වරුන්ට අවශ්‍ය උපදෙස් හා මාර්ගෝපදේශ ලබා දීම.
  8. රජයේ ඉඩම් තොරතුරු කළමනාකරණය කිරීම.
  9. රාජ්‍ය බදු ආදායම් ශක්තිමත් කිරීමට රජයේ ඉඩම් මත බදු අයකර ගැනීම කළමනාකරණය කිරීම
  10. මානව සම්පත් සංවර්ධන කටයුතු පවත්වා ගෙනයාම.
  11. ඉඩම් ආරවුල් නිරාකරණය කිරීම.