ඉඩම් කොමසාරිස් ජනරාල් දෙපාර්තමේන්තුව
காணி ஆணையாளர் நாயகத்தின் திணைக்களம்
Land Commisioner General's Department
ඉඩම් කොමසාරිස් ජනරාල් දෙපාර්තමේන්තුව
காணி ஆணையாளர் நாயகத்தின் திணைக்களம்
Land Commisioner General's Department
රජයේ ඉඩම් කළමනාකරණ කටයුතු කාර්යක්ෂම කරලීම සඳහා තොරතුරු තාක්ෂණය භාවිතා කරමින් රජයේ ඉඩම් තොරතුරු කළමණාකරණ පද්ධතිය (State Land Information Management System) නිර්මාණය කිරීමට කටයුතු කර ඇත. රජයේ ඉඩම් පිළිබඳ තොරතුරු ප්‍රාදේශීය ලේකම් කොට්ඨාස මට්ටමින් මෙම පද්ධතියට ඇතුළත් කිරීමට කටයුතු සිදු කරන අතර ඉඩම් බෙදාදී ලියකියවිලි නිකුත් කිරීම හා ආදායම් රැස්කිරීමේ ක්‍රියාවලියද බෙදා දුන් ඉඩම් වලට අදාළ පසු කටයුතු හා අධීක්ෂණ කටයුතු ද මෙම පද්ධතිය මඟින් සිදු කිරීමට හැකියාව ඇත. 2013 වර්ෂයේ දී බස්නාහිර පළාතේ ප්‍රාදේශීය ලේකම් කොට්ඨාස 40 කින් ආරම්භ වූ මෙම වැඩ සටහන 2017 වර්ෂය අවසන් වන විට දිවයින පුරා ප්‍රාදේශීය ලේකම් කොට්ඨාස 332ක් පුරා සාර්ථකව ක්‍රියාවට නැගීමට හැකි විය.
සජීවී වෙබ් අඩවියට පිවිසීමටe-Slims පද්ධතිය හෙවත් රජයේ ඉඩම් තොරතුරු කළමනාකරණ පද්ධතිය ඉඩම් කොමසාරිස් ජනරාල් දෙපාර්තමේන්තුව විසින් ප්‍රාදේශීය මට්ටමින් රජයේ ඉඩම් කළමනාකරණ කටයුතු කාර්යක්ෂමව ඩිජිටල් ප්‍රවේශයක් හරහා සිඳුකිරීම සඳහා හදුන්වා දී ඇති මෙහෙයුම් පද්ධතිය වේ. මෙමගින් ප්‍රාදේශීය ලේකම් කාර්යාල, පළාත් / අන්තර් පළාත් ඉඩම් කොමසාරිස් කාර්යාලය, මිනින්දෝරු දෙපාර්තමේන්තුව, ඉඩම් කොමසාරිස් ජනරාල් දෙපාර්තමේන්තුව සහ ඉඩම් අමාත්‍යාංශය එකිනෙකට ඩිජිටල් තොරතුරු පද්ධතිය හරහා සම්බන්ධ වෙමින් ඉඩම් රාජකාරි කාර්යක්ෂමව සිදුකරනු ලබයි.
රජයේ ඉඩම් රාජකාරී කටයුතු සිදුකිරීමේදී වැදගත්වන මූලික අන පනත්, චක්‍රලේඛයන් මගින් සිදුකළ හැකි බොහෝ ඉඩම් කළමනාකරණ කටයුතු මෙමගින් සිදු කිරීම සඳහා අවකාශ සලසා දී ඇත. ඒ අනුව,
වැනි කටයුතු සිදුකිරීම සඳහා e-Slims පද්ධතිය ඉතා පහසුවෙන් නිවැරදිව, කාර්යක්ෂමව සිදුකර ගැනීමේ හැකියාව පවතී.
මෙම e-Slims පද්ධතිය රජයේ ඩිජිටල්කරණ වැඩසටහනේ තීරණාත්මක සාධකයක් වගේම එම වැඩසටහනේ වැදගත් සන්ධිස්ඨානයකි.